منتديآت حنين آلشوق
 
الرئيسيةالبوابه الشخصيهاليوميةس .و .جبحـثالتسجيلدخول

شاطر | 
 

 أطباق شهية

اذهب الى الأسفل 
كاتب الموضوعرسالة
mhoOosh
حنين م ـــتميز
avatar

.•° آلبلد °•.: *: : K.s.a
انثى عدد الرسائل : 373
الموقع : الشرقيه يابعدي
تاريخ التسجيل : 09/08/2008

مُساهمةموضوع: أطباق شهية   الأحد سبتمبر 28, 2008 11:27 pm

السلام عليكم ورحمة الله وبركاته
اطباقنا النهاردة

1 -طبق شوربة الكريم دوفلاي.
2- طبق سلطة الطماطم بالريحان والموتزاريلا.
3- طبق جانبي شاورمة تركي.
4- طبق رئيسي فتة المكدوس.
5- طبق الحلو كريم كراميل.


طبق الشوربة
شوربة "كريم دوفلاي"

المقادير:
• 5 أكوب شوربة فراخ.
• صدور فراخ مخلية ومقطعة قطعا صغيرة.
• 4 ملاعق دقيق.
• 6 ملاعق زبدة.
• بصلة مقطعة قطعا صغيرة.
• كوب كريمة.
• مرقة دجاج.
• 100 جرام مشروم.
الطريقة:
• نبتدي نقطع المشروم إلى مكعبات صغيرة بعد غسيله كويس.

• بعد كده نضع طاسة وحلة على النار ونضع ملعقتين زبدة في الطاسة، و4 ملاعق زبدة في الحلة بعد كده نجيب بصلة صغيرة ونضعها في الطاسة اللي فيها معلقتين الزبدة، ونحط 4 ملاعق دقيق في الحلة اللي فيها ال4 ملاعق زبدة ونقلبهم مع بعض لغاية ما الدقيق يبقى لونه دهبي.

• بعد ما الدقيق لونه يبقى دهبي هنضيف إليه شوربة الفراخ كلها مع التقليب المستمر، في نفس الوقت نجيب صدور الفراخ ونضعها على البصلة والزبدة اللي في الحلة ونقلبهم لحد ما يستووا ونضيف إليهم شوية ملح وفلفل، وممكن نزود شوية شوربة على الفراخ....بعد كده نضيف المشروم للفراخ ونسيبهم يستووا مع بعض.

• بعد ما الفراخ والمشروم يستووا نحطهم في الحلة اللي فيها الشوربة والزبدة والدقيق، وبعد كده نضيف في الآخر كوب الكريمة مع شوية ملح وفلفل وأول ما يغلوا نطفي البوتوجاز ونجيب طبق نحط فيه الشوربة كلها.


ده الشكل النهائي لطبق شوربة "كريم دوفلاي" وبالهنا والشفا..




طبق السلطة
سلطة الطماطم بالريحان والموتزاريلا

المقادير:
• 4 معالق زيت زيتون أو زيت عادي.
• معلقتين ريحان أخضر مفروم.
• نص كيلو جبنة موتزاريلا مقطعة شرائح.
• نص كيلو طماطم مقطعة شرائح.
• 4 معالق خل.
• مسطرده.
• ملح / فلفل.
الطريقة:
• في البداية نبتدي نعمل الصوص وهو عبارة عن "الخل + المسطردة + ملح + فلفل" ونقلبهم كلهم مع بعض وبعد كده نضيف إليهم الجبنة الموتزاريلا والريحان المفروم وعلشان نحصل على اللون الأخضر الغامق للريحان المفروم يبقى نسلق الريحان وبعد كده نشيله من الميه السخنة ونحطه في الميه الباردة وبعد كده نضربه في الخلاط... بعد كده نجيب الطبق بتاع السلطة ونبتدي نحط شرائح الطماطم وشرائح الجبنة بشكل متناسق ونحطهم في الطبق ونضع عليهم الصوص اللي احنا عملناه.


ده الشكل النهائي لطبق سلطة "الطماطم بالريحان والموتزاريلا" وبالهنا والشفا





الطبق الجانبي
شاورمة على الطريقة التركي

المقادير:
• كيلو شرائح فيليه كندوز.
• 2 معلقة بهارات.
• ملح / فلفل.
• نص كوب خل.
• شرائح من اللية الضاني "علشان تديها طعم".
• بصل مقطع مكعبات.
الطريقة:
• هنحط شرائح اللحمة في حلة "بايريكس" ونتبلها بالملح والفلفل والبهارات ونحط عليهم البصل.

• نحط عليها شرائح اللية علشان تعطي رائحة وطعم حلو وبعد كده هندخلها الفرن.

• بعد ما تخرج من الفرن نشيل اللية من عليها.

• نجيب طاسة ونحط فيها زيت ونحط عليها الشاورمة اللي خرجت من الفرن ونقلبهم مع بعض...وبعد كده نجيب عيش شامي كبير وندهنه سلطة طحينة ونحشيه بالشاورمة ونقفل رغيف العيش كويس.

• نجيب طاسة وندهنها زبدة ونحطها على النار ونحط الرغيف في الطاسة لغاية ظهره ما يحمر وبعد كده نقلبه على وشه علشان هو كمان يحمر.

• نجيب طبق التقديم ونقطع الرغيف نصفين ونزينه بالبقدونس والطماطم.


ده الشكل النهائي لطبق "الشاورمة على الطريقة التركية" وبالهنا والشفا...





الطبق الرئيسي
فتة المكدوس

المقادير:
• نص كيلو لحم مفروم.
• 3 رغيف عيش شامي محمص ومقطع قطعا صغيرة.
• نص كيلو طماطم.
• 2 بصلة مقطعة قطعا صغيرة.
• 1/2 كوب صنوبر محمص.
• فص ثوم مدقوق.
• كوب زبادي مضاف إليه نص فص ثوم مفروم وذرة ملح.
الطريقة:
• نجيب طاسة فيها زيت ونحط فيها البصل والثوم ونشوحهم مع بعض لمدة خمس دقائق وبعد كده نضيف إليهم اللحمة ونقلبهم مع بعض.

• بعد كده نجيب الطماطم ونقطعها قطعا صغيرة ونضربها في الخلاط... ولما اللحمة تقرب تستوي نضيف إليها البهارات والملح والفلفل وعصير الطماطم ونسيبهم مع بعض لمدة ربع ساعة، وأثناء ما اللحمة على النار بتستوي هنجيب طاسة وهنحط فيها زيت غزير ونسيبه على النار لغاية ما يسخن وبعد كده هنضيف إليه العيش ونسيبه لمدة عشر دقائق.

• وبعد كده هنطفي البوتوجاز ونصفي العيش من الزيت.

• بكده بقى عندي كل مكونات الفتة جاهزة هنجيب طبق التقديم ونحط فيه العيش في نص الطبق بحيث إنه يكون على شكل هرمي وبعد كده نحط اللحمة ونحط الزبادي من فوق اللحمة بحيث إنه يغطيها كلها ومن فوقها هنحط الصنوبر..



وده الشكل النهائي لطبق "فتة المكدوس" وبالهنا والشفا...



طبق الحلو
الكريم كراميل

المقادير:
• 6بيضات.
• فانيليا.
• كوب سكر.
• 2 كوب لبن دافئ.
الطريقة:
• أول حاجة هنبتدي أعمل الكراميل وهو عبارة عن معلقتين من السكر نحطهم في طاسة على النار ونقلبهم لحد ما السكر يسيح ويعمل صوص


• نحط اللبن علشان يدفأ عى النار "مش يسخن" وبعد كده نكسر 4 بيضات في طبق... ونكسر الاثنين التانين وناخد منهم الصفار بس.

• وبعد كده نضع الكراميل في القالب المخصص للكراميل علشان يبرد شوية.. هنضيف السكر والفانيليا والبيض ونضربهم بالمضرب وبعد كده نضيف إليهم اللبن الدافئ ونضربهم كلهم مع بعض بالمضرب علشان يتجانسوا بعد كده نجيب منديل على الوش علشان نشيل الرغاوي.

• هنجيب مصفاة علشان نصفي الخليط في قالب الكراميل...

• وبعد كده نعمل حمام ميه للكريم كراميل وهو عباره عن إننا نحط شوية ميه سخنة في صاج في الفرن ونحط قالب الكريم كراميل على الصاج وندخله في الفرن.. ولما يستوي نطلعه من الفرن ونقلبه في طبق التقديم... ممكن نزين الطبق بشرائح من الموز المرشوش عليه عصير ليمون.





آه تعبت بس :oops:

الرجوع الى أعلى الصفحة اذهب الى الأسفل
mhoOosh
حنين م ـــتميز
avatar

.•° آلبلد °•.: *: : K.s.a
انثى عدد الرسائل : 373
الموقع : الشرقيه يابعدي
تاريخ التسجيل : 09/08/2008

مُساهمةموضوع: رد: أطباق شهية   الأحد أكتوبر 05, 2008 4:05 am

وين الردود :cherry:
الرجوع الى أعلى الصفحة اذهب الى الأسفل
 
أطباق شهية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حنين آلشوق :: ●●[الـ م ـطبـخ ]●●-
انتقل الى: